Sri Periyava's Anugraha Bhashanam on Skanda Shasti Kumara Bhojanam
ஸ்கந்த ஷஷ்டி குமார போஜனம் சிறப்பம்சங்கள்
15/11/2026

1. அறுபது இடங்களில் குமார போஜனம்
ஸ்கந்த ஷஷ்டி உற்சவம் தமிழ்நாட்டிலும் பிற பகுதிகளிலும் சிறப்பாக நடைபெற்று வருகிறது. இதையொட்டி உள்நாட்டிலும் வெளிநாட்டிலும் அறுபது இடங்களில் நடைபெற்ற குமார போஜனத்தில் 2,700-க்கும் மேற்பட்ட வடு பிரம்மச்சாரிகள் பங்கேற்றனர். ஆந்திரா உள்ளிட்ட பிற மாநிலங்களிலிருந்தும் இன்றைய நிகழ்ச்சிக்கு வந்திருந்தார்கள் என்று பூஜ்யஶ்ரீ பெரியவா தெரிவித்தார்கள்.
2. ஆவஹந்தி ஹோமமும் தர்மக் கல்வியும்
“ஆமாயந்து பிரம்மச்சாரின ஸ்வாஹா, விமாயந்து பிரம்மச்சாரின ஸ்வாஹா” என்று ஆவஹந்தி ஹோமத்தில் சொல்லப்படுகிறது. வேதம், சாஸ்திரம், புராணம் ஆகியவற்றில் மாணவர்களுக்கு ஆர்வம் ஏற்படவும், லௌகீகப் படிப்போடு பக்தி, சிரத்தை, ஆஸ்திகம் ஆகியவை வளரவும் இந்த ஹோமம் செய்யப்படுகிறது. தேசத்தில் ஐஸ்வர்யம் ஏற்பட ஶ்ரீ காமனா ஹோமமும் செய்யப்படுகிறது. வேத தர்ம சாஸ்திர பரிபாலன சபை மூலம் ஆண்டுதோறும் குறைந்தது பதினைந்து இடங்களிலாவது சம்மேளனங்களையொட்டி ஆவஹந்தி ஹோமம் நடைபெறுகிறது என்று பூஜனீயர்கள் எடுத்துரைத்தார்கள்.
3. காயத்ரீ அனுஷ்டானமும் குமார ஸ்வாமியின் அனுக்ரஹமும்
“மாத்ருதேவோ பவ, பித்ருதேவோ பவ” என்பதற்கேற்ப, தந்தையிடமிருந்து காயத்ரீ உபதேசம் பெற்று அனுஷ்டானம் செய்வதால் புத்தி நல்ல விஷயங்களில் ஒருமுகப்பட்டுச் செயல்பட வேண்டும். மேதா, பிரஜ்ஞா, தாரணா சக்தி பெற்று, தேசத்துக்கும் தர்ம வளர்ச்சிக்கும் சேவை செய்து, ஆத்ம திருப்தியோடு குடும்பத்துக்கும் சமுதாயத்துக்கும் நன்மை செய்ய வேண்டும். பிரம்மச்சாரிகளுக்கு வாழ்நாள் முழுவதும் ஞானம், பக்தி, சதாசாரம் வளரவும், தேவர்களின் சேனாபதியான குமார ஸ்வாமி தண்டபாணி கார்த்திகேயரின் அனுக்ரஹம் கிடைக்கவும் குமார போஜனம் நடைபெறுகிறது. ஷண்முகரின் இரண்டு முகங்களுக்குப் பூஜை முடிந்திருப்பதாகவும், மற்ற நான்கு முகங்களுக்குப் பூஜை நடைபெற இருப்பதாகவும் பஜனீயர்கள் கூறினார்கள்.
4. போஜன நியமங்களும் அன்னத்தின் மகிமையும்
நித்தியம் செய்ய வேண்டிய காயத்ரீ ஜபத்தை அன்று விசேஷமாகச் செய்து, த்ரிசுபர்ண பாராயணம், பரிசேசனம், “பிராணாய ஸ்வாஹா, அபானாய ஸ்வாஹா” என்ற பிராணாஹுதிகள் ஆகியவற்றுடன் சாஸ்திரீய முறையில் போஜனம் நடைபெற்றது. “அன்னம் ந நிந்த்யாத்”, “அன்னம் பஹு குர்வீத” என்று தைத்திரீய உபநிஷத் கூறும் அன்னத்தின் மகிமையையும், அன்னமயம் முதல் ஆனந்தமயம் வரையிலான ஐந்து கோஷங்களையும் எடுத்துரைத்தார்கள். அன்ன ஸம்ருத்தி ஏற்பட வேண்டும் என்றும், அன்னம் சாத்விகமான சிந்தனைக்கு உதவ வேண்டும் என்றும் கூறி,
“अन्नपूर्णे सदापूर्णे शङ्करप्राणवल्लभे । ज्ञानवैराग्यसिद्ध्यर्थं भिक्षां देहि च पार्वति ॥”
அன்னபூர்ணே ஸதாபூர்ணே
சங்கர ப்ராணவல்லபே |
ஜ்ஞானவைராக்ய ஸித்யர்த்தம்
பிக்ஷாந்தேஹி ச பார்வதி ||
என்ற அன்னபூர்ணா ஸ்தோத்திரத்தை பஜனீயர்கள் நினைவூட்டினார்கள்.
5. பிரம்மச்சாரி ஸ்வரூபத்தில் சுப்பிரமண்யர்
முன்னர் ஒவ்வொரு கிருஹத்திலும் ஒரு பிரம்மச்சாரியை வரவழைத்து, வஸ்திரம் அளித்து உபசாரம் செய்து, அந்தப் பிரம்மச்சாரி ஸ்வரூபத்திலே சுப்பிரமண்யரைப் பார்த்தார்கள். சுப்பிரமண்யரின் அனுக்ரஹத்தால் பிரம்மண்யம், தேஜஸ், ஓஜஸ் பெற்று, லோகத்துக்கும் தர்மத்துக்கும் உபயோகப்பட வேண்டும் என்ற நோக்கத்துடன் நடந்த அந்த நிகழ்ச்சி இன்றைக்குச் ஸமஷ்டி ரூபத்தில் நடைபெறுகிறது என்று ஶ்ரீ பெரியவா விளக்கினார்கள்.
6. லௌகீகக் கல்வியோடு தர்ம வித்யை
“வைதீக மத்திய வர்க்கம்” ஒன்றை உருவாக்க வேண்டிய அவசியம் இருக்கிறது. லௌகீகத் தொழிலில் இருப்பவர்களும் சந்தியாவந்தனம், புருஷ சூக்தம், ஶ்ரீ சூக்தம், தைத்திரீய உபநிஷத், விஷ்ணு ஸஹஸ்ரநாமம் ஆகியவற்றில் பயிற்சி பெற வேண்டும். “Full stop, comma” போலப் பதங்களைச் சரியாகப் பிரித்தும், அல்பப் பிராணம், மஹாப் பிராணம் அறிந்து உச்சரித்தும் படிக்கக் கற்றால், சுந்தர காண்டம், பகவத்கீதை ஆகியவற்றைப் படிக்கவும், பின்னர் சாஸ்திர ஞானத்தை வளர்த்துக்கொள்ளவும் அது ஒரு “நுழைவாயில், தோரணவாயில்” ஆக அமையும். ஆந்திரப் பிரதேசம் பொதிலியிலுள்ள சனாதன தர்ம சேவா கிராமத்தில் லௌகீகக் கல்வியோடு நித்திய கர்மானுஷ்டானமும் ஸம்ஸ்கிருதமும் கற்கும் மாணவர்களில் சுமார் தொண்ணூறு பேர் இந்நிகழ்ச்சியில் பங்கேற்றதாக பூஜ்யஶ்ரீ பெரியவா குறிப்பிட்டார்கள்.
7. “தர்மத்தோடு இணைந்த முன்னேற்றம்”
ஆகாரம், ஆசாரம், அலங்காரம் ஆகியவை சாஸ்திரத்தை ஒட்டி அமைய வேண்டும். தேசத்தின் முன்னேற்றம் தர்மத்தோடு இணையும்போதுதான் முழுமை பெறும். மனித வாழ்வில் ஷோடச ஸம்ஸ்காரங்கள், பகவானுக்கு ஷோடசோபசாரங்கள், சுருதி–ஸ்ம்ருதி–புராணப் பிரசாரம், மூர்த்தி பூஜை, அக்னி உபாஸனை, வில்வம், துளசி, அரசமரம், அத்தி போன்றவற்றை வளர்த்தல் ஆகியவற்றை எடுத்துரைத்தார்கள். வேலைக்கும் வியாபாரத்துக்கும் தேவையான ஆங்கிலம், கணினி ஆகியவற்றைக் கற்பதோடு, ஸம்ஸ்கிருதத்தையும் தாய்மொழிகளையும் காக்க வேண்டும். கோவம்சத்தைப் பேணுவதிலும், கோயில்களில் அபிஷேகம் முதல் அலங்காரம், ஆரத்தி, நைவேத்யம், பிரசாதம் வரை கவனம் செலுத்துவதிலும் அக்கறை வேண்டும் என்று பூஜனீயர்கள் வலியுறுத்தினார்கள்.
8. பல மாநிலங்களில் வேத வித்யா குருகுலங்கள்
காஞ்சி காமகோடி பீடத்தின் மூலம் உத்தரப் பிரதேசத்தில் காசி, அயோத்தி, சித்ரகூட், லக்னோ ஆகிய நான்கு நகரங்களில் வேத வித்யா குருகுலங்கள் நடைபெறுகின்றன. அஸ்ஸாமில் காமாக்யா, ப்ராக்ஜ்யோதிஷ்பூரில் புதிதாக வேத பாடசாலை தொடங்கப்பட்டுள்ளது. வங்காளத்தின் சிலிகுரியிலும் சிக்கிமிலும் வேத பாடசாலைகள் நடைபெறுகின்றன என்று பஜனீயர்கள் தெரிவித்தார்கள்.
9. “ஊர்தோறும் பண்டிதர்கள், கோயில்தோறும் திருப்பதியின் சிறப்பு”
பொது விநியோகத் திட்டத்தின் மூலம் எண்ணெய், அரிசி, சர்க்கரை போன்றவை அனைவருக்கும் கிடைப்பதுபோல, அவரவர் ஸ்வதர்மத்துக்குத் தேவையான வசதிகளும் அனைவருக்கும் கிடைக்க வேண்டும். முகூர்த்தம் பார்க்கவும் பூஜை செய்யவும் பண்டிதர்கள், குலதெய்வத்தை வழிபட நல்ல அர்ச்சகர்கள் ஊர்தோறும் கிடைக்க வேண்டும் என்ற நோக்கத்தில் “पंडा पुजारी पुरोहित कल्याण योजना” “பண்டா புஜாரி புரோஹித கல்யாண யோஜனா” பற்றிக் கூறினார்கள். குழாய்த் தண்ணீர், மின்சாரம், சூரிய மின்சாரம் ஆகியவற்றைக் கொண்டுசேர்க்கும் முயற்சிகளைக் குறிப்பிட்டு, “solar भी चाहिए, solar संस्कार भी चाहिए” என்று பஜனீயர்கள் சொன்னார்கள்.
10. நல்ல சிந்தனை, தர்மப் பிரசாரம்
தர்மப் பிரசாரத்தால் மனத்தில் ஆனந்தம், தைரியம், தன்னம்பிக்கை ஏற்படுகின்றன. தூய்மையான சூழல் அமைகிறது, உழைப்பதற்கான ஸங்கல்பம் கிடைக்கிறது. நல்ல சிந்தனையிலிருந்தே நல்ல செயல் பிறப்பதால், வேத வித்யை, கர்ம காண்டம், ஞான காண்டம், பக்தி காண்டம் ஆகியவற்றைப் பரப்பவும், ஸத்ஸங்கங்களும் கதா நிகழ்ச்சிகளும் நடத்தவும் வேண்டும். ஸ்கந்த ஷஷ்டியை ஒட்டி அனைவருக்கும் பகவானின் கிருபையும் கல்யாணமும் கிட்டட்டும் என்று கூறி, “ஹர ஹர சங்கர, ஜய ஜய சங்கர” என ஜகத்குரு ஶ்ரீ காஞ்சி சங்கராசார்யார் அவர்கள் ஆசி வழங்கினார்கள்.
Comments